Аннотация
Ландшафтты зерттеу арқылы табиғатта болып жатқан техногендік өзгерістердің көлемін бағалап, олардың өзгеру динамикасы арқылы табиғатқа кері әсерін анықтауға болады. Қазіргі кезеңдегі ландшафтты зерттеу арқылы ол жердің адамзатқа пайдасын арттыруға болады, яғни кешенді табиғи техногендік пайдалы территориялар айқындауға болады. Ландшафт бірліктерін анықтау кезінде есепке алынатын факторлардың бірі – жер бедері екені мәлім. Мақалада арақашықтықтан зерделеу мәліметтері негізінде ландшафт құрылымының көрсеткіштерін анықтап, соның негізінде ландшафттық карта құрастыру барысында бірден-бір негіз болып табылатын жер бедерін жіктеу (классификациялау) әдістері мен этаптары көрсетіледі.