Аннотация
Бұл мақалада авторлар энергетикалық сектор кәсіпорындарын стратегиялық жоспарлау шеңберінде жобалық басқарудың қолданылуын талдайды. Мақсат - кәсіпорынды жаңғыртудың тиімділігін анықтау үшін көрсеткіштерді есептеу және талдау. Зерттеу нысаны ретінде ТОО «АЭС Ульба ТЭЦ» қарастырылған. Авторлар жобалық басқару мен стратегиялық жоспарлау саласындағы ғылыми әдебиеттерді жан-жақты шолып, талдау жүргізді. Зерттеу барысында стратегиялық жоспарлау жобалық басқару аясында өзара байланысқан алты басқару процесінен тұратын динамикалық жүйе ретінде қарастырылғаны анықталды. Бұл процестер логикалық тізбектілікпен бір-бірінен туындайды және бір-біріне өзара ықпал етеді. Кәсіпорынның жұмыс тиімділігінің төмендеу деңгейін бағалау үшін тізбекті алмастыру әдісі қолданылып, факторлардың әсер ету дәрежесі есептелді. Нәтижесінде котлоагрегаттардың жұмыс уақытын қысқарту салдарынан жеткілікті жылу энергиясының өндірілуі қамтамасыз етілмегені анықталды. Зерттеу көрсеткендей, негізгі факторлардың - котлоагрегаттардың жұмыс көлемі мен сыртқы құбырлардағы жылу шығыны – өзгеруі өндірістік процестің тиімділігін тікелей әсер етеді. Атап айтқанда, бұл өзгерістер қазандықтардың өндірілетін қуатын, олардың жүктемесін және тұтынушыға жеткізілетін пайдалы жылу мен ыстық судың көлемін өзгертеді. Осыған орай, авторлар турбоагрегатты жаңғырту жобасын ұсынды, бұл кәсіпорынның тиімділігін арттыруға және өндірістік көрсеткіштерді оңтайландыруға мүмкіндік береді.