Аннотация
Халықаралық автомобиль тасымалдары сыртқы экономикалық байланыстарды қамтамасыз етуде, әрі Қазақстанның әлемдік көлік логистика жүйесіне әсер ету жағдайында маңызды шешуші рөлді атқарады. Тасымалдаудың Батыс-Шығыс бағыттарын дамытудың ерекше маңыздылығы, оның құрлықаралық сауда ағындарының стратегиялық жоспарын жақсарту болып отыр. Қазіргі жағдайда тасымалдарды жедел басқарудың тиімділігін арттыру, Қазақстан Республикасының көлік тасымалы жүйесінің ерекшелігін ескере отырып, инновациялық технологиялар мен басқарудың жаңа тәсілдерін енгізу керек екендігін көрсетеді. Тасымалдау үдерісін жедел басқарудың жаңа тәсілдері жол инфрақұрылымын, логистикалық қауіпсіздіктің серпінді өзгерістернің сыртқы және ішкі факторларының өзгерістеріне сай бірқатар сипаттамалар көрсеткіштеріне шектеулі тиімділікті көрсетеді. Осыған орай, қазiргi заманғы ақпараттықкоммуникациялық технологияларды, мониторинг, навигация, байланыс және деректердi талдау жүйелерiн көлiк процестерiн басқарудың бiрыңғай контурына ықпалдастыруды қамтамасыз ететiн интеллектуалдық көлiк жүйелерiн (ИКЖ) енгiзудiң маңыздылығы артып отыр. Көлік пен қойманы басқару жүйелері, нақты уақыт режимдерінде көлі құралдарын бақылау мен басқаруға арналған GPS және IoT технологиялары, сонымен қатар, деректердi электрондық алмасу платформалары сияқты қазiргi заманғы ақпараттық технологиялар логистикалық үдерістердiң тиiмдiлiгiн едәуiр арттыруға мүмкiндiк бередi. Автоматтандыру және роботтандырумен, оның ішінде автономды көлік құралдарын пайдаланумен, уақыт пен қаржы шығындарын едәуір қысқартуға мүмкіндік пайда болады, ал аналитикалық құралдар мен жасанды интеллект технологиялары бағыттарды оңтайландыруға және қорларды басқаруды жақсартуға мүмкіндік береді.