Аннотация
Мақалада білімді цифрландыру жағдайында болашақ информатика мұғалімдері ақпарат және ақпараттық үдерістерді оқытуға дайындау қажеттігі қарастырылады. Білімді цифрландыру жағдайында болашақ информатика мұғалімдерін дайындаудағы оқыту сапасын арттырудың маңыздылығы сипатталады. Зерттеу тақырыбы бойынша ғылыми жұмыстар қарастырылып, әдебиеттерге талдау жасалады. Білімді цифрландыру жағдайында болашақ информатика мұғалімдерін дайындаудың негізгі бағыттары келтіріледі. Болашақ информатика мұғалімдерін дайындау тұрғысынан мектеп информатика курсында ақпарат және ақпараттық үдерістерді оқыту мәселелеріне талдау жүргізіліп, жалпы негізгі білім беру жүйесінде ақпаратты ұсыну және өлшеу мәселелері ерекше орын алатындығы айтылады. Сонымен қатар, білімді цифрландыру жағдайында информатика пәнінде ақпараттық үдерістер мәселелері бойынша ұсыныстар берілген. Болашақ информатика мұғалімдеріне білім алушылардың өзін-өзі дамытуға бағыттау үшін әдістемелік ұсыныстар келтіріледі. Түйін сөздер: ақпарат, ақпараттық үдерістер, білімді цифрландыру, болашақ информатика мұғалімі.