Аннотация
Мақалада жасанды интеллект (ЖИ) технологияларыныңзаманауи үрдістері мен олардың білім беру саласына әсері жан-жақты қарастырылады. Бүкіләлемдік зерттеулердің деректеріне сүйене отырып, цифрлық білім берудегі жетекші үрдістердің рейтингісі мен негізгі бағыттары талданады. Сонымен қатар, жасанды интеллекттің білім беру саласындағы рөлі,оның әлемдік деңгейдегі даму жағдайы, сондай-ақ осы салаға инвестиция құятын көшбасшы елдер зерттеледі. Бұл зерттеудің негізгі мақсаты –жасанды интеллекттің білім беру процесіне ықпалын анықтау, оны тиімді қолданудың жолдарын қарастыру және оқу сапасын жақсартуға бағытталған ұсыныстар әзірлеу. Мақалада ЖИ технологияларын қолданудың түрлі әдістері, олардың артықшылықтары мен ықтимал мәселелері қарастырылады. Сонымен қатар, жасанды интеллектті сәтті енгізудің нақты мысалдары талданып, оның оқу үдерісіне енгізген оң өзгерістері көрсетіледі. Жасанды интеллект білім беру жүйесін жаңа деңгейге көтеруге ықпал етеді. Біз ЖИ негізінде білім беруді жекелендіру, оқушылардың үлгерімін болжау, автоматтандырылған бағалау, виртуалды оқыту ассистенттері және бейімделгіш оқуплатформаларының маңыздылығына тоқталамыз. Жасанды интеллект оқушылардың дағдыларын жетілдіруге, білім беру сапасын арттыруға және оқу процесін тиімді ұйымдастыруға көмектеседі. Сонымен қатар, ЖИ оқытушылардың жұмысын жеңілдетіп, оларды қайталанатын тапсырмалардан босатып, шығармашылық пен сараптамалық жұмыспен айналысуға мүмкіндік береді.