Аннотация
Бүгінде Қазақстанда мемлекеттік органдар мен халық арасындағы өзара қарым-қатынастың тиімділігін арттыру және трансформациялау міндеті тұр. Бұл зерттеу Қазақстан Республикасының Президенті Қ.К. Тоқаевтың 2019 жылғы 2 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауында атап көрсетілген «Халық үніне құлақ асатын мемлекет» тұжырымдамасы аясында әлеуметтік медианың рөлін қарастырады. Зерттеуде сипаттамалық, аналитикалық және салыстырмалы әдістер қолданылып, мемлекеттік билік пен азаматтық қоғамның өзара әрекет-тесуіндегі әлеуметтік желілердің ерекшеліктері талданады. Сондай-ақ, қайталама деректерді өңдеу әдістері пайдаланылды, оның ішінде ҚР Стратегиялық жоспарлау және реформалар агенттігінің ұлттық статистика бюросының мәліметтері, «Зерде» ұлттық инфокоммуникациялық холдингі» АҚ деректері негізінде көрсеткіштер талданды. Әлеуметтік желілер сындарлы диалогтың алаңы ретінде қарастырылады, ал олардың саяси және әлеуметтік әсері зерттеудің негізгі бағытына айналды.