Аңдатпа
ХХ ғасырдың соңғы ширегінде бұрын зерттелмей, ғылыми айналымға ене қоймаған немесе бөлшектеп қаралған тақырыптарды зерттеу қолға алынды. Сондай тақырыптардың қатарына Совет елінде өткен ғасырдың 30-50 жылдары жер аударылған халықтардың тарихи, тағдыры мен күнделікті өмірітуралы тақырыптарды зерттеу қолға алынды.Осындай тағдырдың ауыр тауқыметін бастарынан өткізген ұлттардың ішінде поляктар да болды. Республикамызға жер аударылған поляктар туралы зерттеулер ауқымды болғанымен, олардың әлеуметтік жағдайы мен деформациясы және күнделікті өмірдегі жағдайы толық зерттелмеген.Сонымен қатар мақалада арнайы контингенттің қоныс аударуы, шаруашашылық және және еңбек тәртібі, әлеуметтік жағдайы, өндірістік және қоғамдық орындардағы жұмыс мәселелері қарастырылған. Жер аударылған поляктардың жұмыс күші арнайы қоныстанған жерлерде өмір сүруі мен бейімделуінің факторы болды.Мақалада алға қойған басты мақсат Қазақстанға жер аударылған поляктардың күнделікті өмірі Сталин дәуірінің шындықтарының бірі ретінде қарастыру. Поляктар Қазақстанаумағына жер аударылған халық-тардың басым көпшілігін құрады және олардың жағдайы ауыр болды. Отанына қайтқанша аштық, түрлі індеттер, азапты ауыр еңбек, кеңес азаматтығын қабылдаудан (1943ж.) бас тартқандары репресияға ұшырап, қамауға алынған поляктар жер аударылған басқадай ұлттар сияқты ауыр күндерді бастарынан өткерді. Мақалада Қазақстан аумағына жер аударылған поляктарды қоныстандырылған жерде бейімделудегі күнделікті өмірі мен ауыр тұрмыс тіршілігі туралы ғылыми зерттеулер, поляк азаматтары мен олардың ұрпақтарының естеліктері, баспасөз беттеріндегі және архив материалдары негізінде талдау жасалды.