Аңдатпа
Балқан тілдеріндегі түркі лексикалық элементтерін зерттеу қажеттілігі шет тілдерден алынған кірме сөздермен байланысты зерттеулердің аздығына байланысты. Бұл жұмыстың мақсаты – түркі сөздер ұғымына анықтама беру, түркі сөздердің (тюркизмдер) шығу тегі мен тарихын зерттеу. Жұмыста түркі сөздердің тілден тілге ауысуын зерттеуде бірге қолданылған мәліметтерді жинақтау, жүйелеу, талдау және салыстыру әдістері, сонымен қатар салыстырмалы-тарихи және танымдық әдістер қолданылды. Балқан халықтарының тілдеріндегі түркі тілдерінен алынған кірме сөздеріне қатысты теориялық аспектілер зерттеліп, басқа авторлардың зерттеу нәтижелеріне және олар жасаған тұжырымдарға назар аударылды. Болашақта бұл еңбекті түркі және балқан халықтарының ұлттық ерекшеліктерін зерттеуде тіл білімінің түркітану, әлеуметтік лингвистика және лингвомәдениеттану сияқты салаларында пайдалануға болады.