Аңдатпа
Бұл мақалада ғылыми зерттеулерді талдау негізінде стирол өндірісінің перспективті және инновациялық технологияларына жалпы шолу жасалады. Стирол – ең маңызды мұнай-химия өнімі. Стиролды өндірісте гликольдерді, желім алу, бояу және лак өнімдерін алу, полиуретанды, целлюлозаны, полистиролдарды, кеңейтілетін полистирол,бутадиен-стиролды каучук алу өндірісінде, акрилонитрил-бутадиен-стирол термопластикасын алу өндірісінде, полимерлердің көптеген түрлерін өндіру үшін, басқа сополимерлерді алу және үлкен маңызы бар құрылыс материалдарын алу үшін қолданылатын маңызды тауарлық материал. Әлемде стиролдың жылдық тұтынуы шамамен 30 миллион тоннаны құрайды. Өндірісте кеңінен қолданылуына байланысты стирол алудың әдістері де сан алуан. Қазіргі таңда стиролды алудың бірқатар әдістері белгілі. Алайда, белгілі әдістердің әртүрлілігіне қарамастан, өнеркәсіптік масштабта стиролды алудың негізгі әдісі этилбензолды жоғары температурада каталитикалық дегидрлеу және оны гидропероксид әдісімен пропилен оксидімен бірлесіп алу болып қала береді. Соңғы онжылдықта көптеген зерттеулер толуолдың бүйірлік тізбекті алкилдену реакциясының механизмін түсіну бойынша жүргізілді. Қазіргі таңда бұл маңызды мономерді көмірсутек шикізатының пиролиз өнімдерінен, этилбензолдан синтездеу, полистирол қалдықтарынан стирол алу, ацетофенонды каталитикалық түрлендіру арқылы және метилфенилкарбинол құрамдас шикізатты қышқыл катализатор қатысында колонна тәріздес реактор ректификаторда алу тәріздес перспективалы әдістерді қолдану арқылы алуға болады.