Аңдатпа
COVID-19 коронавирус инфекцияның қоздырғышы — жаңа SARS-CoV-2 вирусы болып табылады. 2020 жылы наурызда Дүниежүзілік денсаулық сақтау ұйымы коронавирус инфекцияның пандемиясын жариялайды (SARS-CoV-2). 2021 жылдың наурыз айында бүкіл әлемде 119 миллион адам осы инфекциямен ауырып, 94,7 миллион адам сауығып, 2,6 миллион адам қайтыс болады. Қазақстанда бұл инфекциямен 1,39 млн адам ауырып, 1,29 млн адам сауықты, 19 мың адамда ауру өліммен аяқталды. Зерттеудің мақсаты: COVID-19 жағдайында туындайтын жүктілік кезіндегі асқынуларға медициналық әлеуметтік тұрғыдан баға беру және COVID-19 ауырған жүкті әйелдердегі жүктіліктің және босанудың ағымы бойынша ретроспективті талдау жүргізу. Зерттеудің материалдары мен әдістері: Жүкті әйелдердегі COVID-19 инфекцияның негізгі қауіпқатер факторларын зерттеу үшін COVID-19 инфекцияның клиникалық белгілері бар жүкті әйелдер мен дені сау жүкті әйелдердің клинико-анамнездік және медико-әлеуметтік белгілері бойынша талдаулар негізінде анкета жүргізілді. Қорытынды: Демографиялық факторлар: жүктілік жасының 35-тен асқан сайын COVID-19 жұқпасының деңгейі арта түскен. Тұрмыстық жағдайлары төмен және орташа отбасыда, анасының білім деңгейінің төменде, COVID-19 жұқпасы туындау қауіп-қатер факторының әсерінің жоғарлауына септігін тигізген. Корреляциялық байланыс тікелей күшті оң мәнді көрсетті, яғни r=0,814 (p>0,05). Әлеуметтік-гигиеналық факторлар: жүкті әйелдің темекі шегуі, шаңды поллютанттармен жұмыс, алкоголизм жедел ұрықтың даму ақауын туындауына жоғары деңгейде әсер еткен. Корреляциялық байланыс- тікелей оң, орташа, r=0,584. Медико-биологиялық факторлар: жедел респираторлы ауруы қауіп-қатер факторы ретінде ұрыққа және жүктілік ағымына өте жоғары деңгейде әсер еткен.