Аңдатпа
Қазіргі таңда, Қазақстан Республикасында мемлекеттік аудит жүйесін трансформациялау жəне реформалау үдерісі жүруде. «Мемлекеттік аудит жəне қаржылық бақылау туралы» Қазақстан Республикасының Заңы қабылданған уақыттан бері 5 жылдан аса уақыт өтсе де, бұл жүйенің толық қалыптасуы үшін ұзақ мерзім емес. Алайда, əлі де түйіні шешілмеген мəселелер баршылық. Осы айтылып кеткен мəселелердің көпшілігі белгілі жəне бірте-бірте шешілуде. Мақаланың негізгі түпкі мақсаты осы бағытта атқарылып жатқан іс-қимылдарды сынға алу емес, керісінше осы бағыттағы өзекті мəселелерді құрылымдап, реттеуге талпыныс жасау болып табылады. Мақалада Қазақстан Республикасындағы мемлекеттік аудиттің жəне қаржылық бақылаудың негізгі қағидаттары, түрлері, жүргізу əдістері, мəселелері жəне оны жетілдіру жолдары қарастырылған. Мемлекеттік аудиттің басты мақсаты - бюджеттегі халықтың қаражаттарын, мемлекет пен квазимемлекеттік ұйымдардың активтерін басқару жəне оларды тиімді пайдалану деңгейін арттыру. Мемлекеттік аудиттің жəне мемлекеттік қаржылық бақылаудың негізгі қағидалары: тəуелсіздік, объективтілік, кəсіби құзыреттілік, құпиялылық, ашықтық, жариялылық , аудит пен бақылау нəтижелерін өзара тану.