Аңдатпа
Бұл мақалада Maple бағдарламаларын интегралдық есептеулерде пайдаланудың ерекшеліктері қарастырылады. Жоғары оқу орнына жаратылыстану ғылымдары бойынша білім беру саласына түсетін білім алушылардың мансап жолы үшін математикалық білімінің жоғары болуы өте маңызды. Дегенмен, бұл сала бойынша оқытылатын білім беру бағдарламаларына түсуші әртүрлі білім алушылардың математикалық білімдері әрқашанда жоғары болмайды. Бұл олқылықты жоюдың тиімді стратегияларының бірі математикалық білім беруде оқыту әдістерін жетілдіру болып табылады. Бұл зерттеу 6В05449-Математика білім беру бағдарламасының екінші курс білім алушылары арасында математикалық білімдерін кеңейту және ондағы есептерді шығару жолдарын түсінуді жақсарту мақсатында Maple компьютерлік математикалық жүйесін пайдаланып интегралдық есептеулерді оқытудың жаңа тәсілін ұсынады. Зерттеуде математиканы меңгеру деңгейі әртүрлі 6В05449-Математика білім беру бағдарламасының екінші курс білім алушыларына интегралдық есептеулерді оқытуда Maple компьютерлік математикалықжүйесін практикалық сабақ барысында интеграцияланудың тиімділігі көрсетіледі.