Аңдатпа
Мақалада Қарағандыоблыстық, қалалық партия комитетінің, еңбекшілер депутаттары қала-лық кеңесінің органы «Социалистическая Караганда» газеті Ұлы Отан соғысы жылдарындағы Орталық Қазақстанның әлеуметтік-экономикалық даму тарихын зерттеудің дереккөзі ретінде қарастырылған. Зерттеу нысанына облыс еңбекшілерінің тылдағы еңбегі алынған. Авторлардың мерзімді басылымның құрылымына, материалдарының мазмұнына талдау жасауы, зерделеуі негізінде Қарағанды облысының фашизмді жеңуге қосқан үлесі және оған ықпал еткен жағдайлар анықталған. Газеттің халықты майдан үшін біріктірудегі, жеңіске жұмылдырудағы идеялық, ақпараттық орны айқындалған, «Қазақстанкомсомолы», «Қазақстан колхозшысы», «Қарағанды колхозшысы», «Қарағанды шахтері», «Қазақстан металлургі» танк колонналарын жасақтаудағы ұйымдастырушылық рөлі көрсетілген. Соғыстың алғашқы жылдарынан бастап Қарағанды бассейніндегі көмір өндіру үдерісін көрсетудегі негізгі өзгерістер қадағаланған. Өндіріске, ауыл шаруашылығына озық технология енгізуге, жаңа техникамен жарақтандыруға мүмкіндік болма-ғансоғыс жағдайында еңбек өнімділігін арттырудың, негізінен, адам ресурстарының арқасында, атап айтқанда, олардың отансүйгіштік, шыдамдылық, қайырымдылық, төзімділік, ұйымшылдық сияқты жоғары моральдық сапалары мен адами қасиеттерініңнәтижесінде, сонымен қатар еңбекті ұйымдастырудың қарапайым әдіс-тәсілдерінің, үнемшілдік, өзіндік өнертапқыштық пен жаңа-шылдықтың есебінен жүзеге асқандығы туралы нақты қорытындылар жасалған. Жұмыс күші тапшылығының орнын толтыруда әйелдер еңбегінің рөлі мен маңыздылығы көрсетілген.