Аңдатпа
Нан және нан өнімдері негізгі тағамдардың бірі болып табылады және олардың сапасы қазіргі заманғы тамақтану ғылымының талаптарына әрдайым сәйкес келе бермейді. Бұл мәселені шешудің бір бағыты – халықтың тамақтануын түзету үшін функционалды мақсаттағы нан өнімдерінің жаңа қауіпсіз сорттарын әзірлеу. Мақалада дәнді дақылдарды қайта өңдеудің екіншілік шикізатын қолдана отырып нанның қауіпсіздігіне микробтардың бүліну себептері, зең саңырауқұлақтары мен Bacillus тектес спора түзетін бактериялардың кері әсері қарастырылады. Негізгі зерттеу нысандары дәстүрлі әдіспен және кешенді ашытқымен дайындалған күріш және қарақұмық ұншығыннан жасалған нан өнімдері болды. Күріш және қарақұмық ұншығын енгізу әдісінің көгеруге және картоп ауруына төзімділігіне әсері бойынша зерттеулер жүргізілді.