Аңдатпа
Қазіргі заманда кез келген мемлекет өз экономикасының дамуында маңызды рөл атқаратын шағын және орта бизнесті қолдауға ұмтылады. Шағын және орта бизнес дамып жатса, бұл ең алдымен экономикалық тиімділік пен бүкіл ел экономиканың тұрақтылығының белгісі. Кез келген мемлекеттің басты міндеті-экономикалық өсуге қол жеткізу. Экономиканың тұрақты өсуі халық шаруашылығындағы шағын және орта кәсіпорындардың үлесіне тікелей байланысты. Шағын және орта кәсіпкерліктің дамуымен орта тап пен «салауатты» бәсекелестік орта қалыптасады, сайып келгенде, ел азаматтарының өмір сүру деңгейіне тиімді әсер ететін жаңа жұмыс орындары құрылады. Ұзақ жылдар бойы шағын және орта кәсіпкерлікті дамыту және қолдау ұлттық экономиканың негізгі құрамдас бөліктерінің бірі ретінде Қазақстанның мемлекеттік саясатының басымдықтарында ерекше орын алды. Бұл тұрғыда мақалада шағын және орта бизнесті мемлекеттік қолдаудың негіздері қарастырылған. Мақалада кәсіпкерлікті мемлекеттік қолдаудың негізгі нысандары көрсетілген. Мемлекеттік қолдаудың негізгі бағыттары ескеріліп, қазақстан республикасының экономикасындағы шағын және орта бизнестің рөлі айқындалды. Сондай-ақ мақалада Қазақстан Республикасындағы шағын және орта бизнестің қазіргі жағдайы талданаған. Кілтті сөздер: шағын және орта кәсіпкерлік, бизнес, экономикалық даму, аумақтар, мемлекеттік қолдау.