Аңдатпа
МАХАМБЕТ БАБА МІНЕЗДІ РИТОР -ПЕДАГОГ ТҰЛҒАСЫ Аңдатпа.Мақалада Махамбет баба мінезді ритор-педагог тұлғасы кең көлемде таразылана тарқатылады.Махамбет бабамыз алғаш рет Ұлтымыздың ұлы ұстазы тұрғысында айқындалып, ақын тұлғасы ұлт намыс, тәуелсіз еліміздің педагог қайраткері бейнесінде айшықталады.Сондай-ақ, мақалада ұстаздық мамандықтың күллі ұрпақ тәрбиесіндегі патриот тұлғаны баулу мәдениеті сараланады.Бүгінгі ритор-мұғалімнің шешендік этикасы, шешендік шеберлігі, шешендік эрудициясы, шешендік импровизациясы сипатталады.Ритор-педагогке тән педагогикалық қабілеттіліктің сапынан ұйымдастырушылық, дидактикалық, рецептивтік, коммуникативтік, зерттеушілік, ғылыми-танымдық ерекшеліктері талданады.Нәтижеде шешендік сөзбен жүзеге асырылатын әрі сөзбен барша жетістіктерге жеткізетін өнер саласы екені түйінделіп, Махамбет баба мінезді ритор-педагог тұлғасының моделі ұсынылады.Кілт сөздер: Ритор-педагог; ұлттық болмыс; шешен сөйлеу мәдениеті; ұлттық құндылық; тұлға; халықтық дәстүр; шешендік өнер; шешендік импровизация; шешендіктану; ұстаз; эрудиция; рецептивтік; этикет; эстетика