Аңдатпа
Мақаланың мақсаты «Түс атаулары» тақырыбы негізінде ағылшын және қазақ тілдерінде кездесетін тұрақты сөз тіркестерді салыстыру, олардың өзара қарым- қатынас сипаты мен аударма ерекшеліктерін анықтау. Әр тілде түр-түс атаулары тек қана дәлме-дәл мағыналарында ғана қабылданбайды, олар символикалық өзгешіліктеріне де ие. Әр этномәдени халық әлемнің түр-түсін өзгеше көріп таниды және осы ерекшелік әлем туралы олардың этникалық ұлттық түсініктері бар екендігін көрсетеді. Түрлі халықтардың осындай түр-түс туралы мәдени түсініктерінің ерекшеліктері әсіресе ассоциацияларда байқалады. Мақалада ағылшын және қазақ тілдері фразеологиясында кездесетін осындай сөз тіркестердің қолдану жиіліктігіне талдау жасалынды, соның негізінде түр-түс компоненттерінің семантикалық коннотациялары талданды және олардың арасындағы айырмашылықтары мен ұқсастықтары анықталды.