Аңдатпа
Адам баласының тіршілікте өмір сүруі үшін жасаған әрекеті қоршаған ортамен тікелей байланысты болды. Мақала әлемді алаңдатып отырған қоршаған орта туралы мәселені қозғайды. Экологияның адам тағдырына әсері және оның баспасөз бетінде жариялануы туралы қысқаша шолу жасалады. Басылым бетінде көтерілген ортақ экология мәселелері топтастырыла жүйеленіп, өзара қазіргі мерзімді баспасөзбен салыстырыла сараланады. Соның нәтижесінде баспасөз материалдарының қоршаған ортаны жақсартудағы ықпалы қарастырылады. ХХ ғасырдың басындағы мерзімді баспасөз бен қазіргі баспасөздің қозғаған ортақ экология мәселесі және ол тақырыптың әлі де маңызын жоймағандығы туралы жан-жақты зерттеу жасалды.