Аңдатпа
Бұл ғылыми мақалада сұйытылған табиғи газ және сұйық оттегі (СТГ-СО) негізіндегі отынның жаңа түрін зымыран-ғарыштық отынға қолдану мәселелері қарастырылған. Алғаш рет бұл отынның СТГ-СО зымыран жасау және ғарыш саласында қолданылатын он түрлі отынмен салыстырылып талданды. Салыстыру объектісі ретінде үш сатылы зымыран тасығыштағы бірінші сатыдағы жанармай бактары таңдалды. Отынның барлық он бір түрі бойынша алғаш рет олардың отын массасы, зымыран блоктары мен конструкцияларының массасы, сондай-ақ олардың жоғарғы бактарының көлемдері анықталған. Талдау барысында басқа отынмен салыстырғанда СТГ-СО артықшылықтары мен кемшіліктері анықталды. Талдау нәтижелері отынның жаңа түрін қолдану басқа отындардың кейбір көрсеткіштерімен салыстырғанда, атап айтқанда, оның отын массасы мен көлемінен жоғары екенін көрсетті. Егер керосиннің кеңінен қолданылатын түрімен салыстыратын болсақ, сұйытылған табиғи газдың массасы 15% - ға жеңіл болды, бірақ екінші жағынан, көлемі тек 8% - ға артық шықты. СТГ-СО отынын басқа түрлерімен салыстыру оның массалық және көлемдік сипаттамалары бойынша, сондай-ақ кейбір жағдайларда улылығы жағынан да жоғары. Осылайша, осы мақаланың авторлық ұжымы жақын арада отынның бұл түрі зымыран-ғарыш саласында кеңінен қолданылатын энергия көздерінің баламалы түрлерінің бірі болатынына күмән келтірмейді.