Аңдатпа
Мақалада Қазақстан медиакеңістігіндегі фейк ақпараттың таралу жағдайы, оған ықпал етіп отырған факторлар мен фейктің қоғамға әсеріне ғылыми сараптама жасалады. Сонымен қоса, ғалымдар деректеріне сүйене отырып, фейк жаңалықтардың жасалу жолдары, ондағы деректердің расталу жағдайына, мағынасына және аудиторияға әсер етуіне байланысты жіктелісі анықталып, нақты мысалдар негізінде ой қорытылады. Сондай-ақ фейк жаңалықтарды тарату тетіктері, ақпараттың вирустық сипаты, сол арқылы ақпараттық байланыс орнату мәселелері де қамтылады. Күн сайын фейк ақпараттар көбейіп келеді. Оған не себеп, оны таратушылар кімдер және олардың авторлары мен тұтынушыларына қойылатын негізгі міндеттер де мақаланың негізгі өзегі болып табылады.