Аңдатпа
Мақалада өстік дебалансқа және ротордың кінәрәтсіз сфера болмауынан пайда болатын күштер моменттерінің консервативті құрамдас бөліктері анықталғаны көрсетілген. Үлкен керіліс пен шамадан тыс жүктеме әсерінен шариктердің шар гироскопындағы сақиналармен түйісуінен туындаған "құрғақ" үйкелістің ауытқу моменттерінің өрнегі алынған. Тербелмелі үйкеліс моменті, иірілу және түйісу жүктемесі арасындағы байланыстар анықталған.Шарикті мойынтіректердегі сфералық кинематикалық жұптармен жабдықталған аспаптардың жұмысы кезінде кинетикалық моментке перпендикуляр, ауытқу моментін тудыратын азимутальды қателер байқалатыны көрсетілген. Анықталған ауытқу моменттері бағыт, тұрақтану және навигациялық гироскоптық жүйелерде қолданылатын аспаптар мен жабдықтардың қателiктерін жоюға және қызмет мерзiмiн ұлғайтуға, дәлдiгін және жұмыс жылдамдықтарын арттыруға мүмкiндiк бередi.