Аңдатпа
Еске алу мақаласы өмірден ерте кеткен археолог – Сағынтай Сұңғатайға арналған. С. Сұңғатайдың ата-бабалары 90 жылдан астам бұрын ШҚО Марқакөл ауданынан тағдыр тәлкегімен Қытайға ауған. Жылдар өте келе Шыңжаң университетіндеархеология мамандығы бойынша білім алып (1989 ж.), Үрімші қаласындағы Археология институтында бірнеше жыл жұмыс істеп (1989–1994 жж.) Сағынтай тарихи атамекеніне оралуға шешім қабылдайды. Осы жолдардың авторы еліміздің шығысындағы әртүрлі экспедицияларда бірге болған сол бір күндерін ыстық сағынышпен еске алады. С. Сұңғатай – тек қана археология ғана емес, сондай-ақ әдебиет, философия, музыкамен айналысқан, өмірде болып жатқан жаңалықтардан сырт қалмаған сан қырлы тұлға.