Аңдатпа
Қазіргі уақытта өсімдік тектес шикізаттан өндірілген тері күтіміне арналған космецевтикалық өнімдер саны артып келеді. Күн сәулесінің әсері кезінде теріде бос радикалдар пайда болады, олар сәйкесінше эпидермис пен дерма деңгейінде қабыну реакцияларына әкеледі. Осы мәселені шешу үшін теріге антиоксиданттық әсер көрсететін космецевтикалық өнімдер көмекке келеді. Бақша қараот (Portulaca oleracea L.) ультрадыбыстық экстрактымен тазартқыш-пенканың антиоксиданттық белсенділігі DPPH радикалды жою сынағы арқылы, полифенолдар мен флаваноидтардың жалпы саны спектрофотометриялық әдіс арқылы, тазартқыш-пенканың қауіпсіздігі мен цитотоксикалық белсенділігі HaCat (invitro)жасушалары арқылы анықталды. Зерттеу нәтижелері бойынша бақша қараот (Portulaca oleracea L.) ультрадыбыстық экстрактымен тазартқыш-пенканың антиоксиданттық белсенділігі 89,1±0,54, ал жасушалар өміршеңдігі 95 % екендігі анықталды.