Аңдатпа
Бұл мақалада Қазақстан Республикасының қор нарығының ағымдағы жағдайы талданды, негізгі мәселелер айқындалды және оның даму перспективалары қарастырылды. Зерттеу инвестициялық климатқа әсер ететін факторларға, нарықтың құрылымдық аспектілеріне және реттеуге бағытталған. Құбылмалылық, әртараптандырудың жоқтығы және ашықтықтың болмауы сияқты қиындықтарға ерекше назар аударылды. Осы мәселелер контекстінде инвестициялар тарту және экономикалық өсуді ынталандыру әлеуетін ескере отырып, Қазақстанның қор нарығын жақсарту бойынша ұсыныстар беріліп, мүмкіндіктері талқыланды. Жаһандық пандемия жағдайында Қазақстан қор биржасы (KASE) және әлемнің басқа да биржалары онлайн форматқа көшуге мәжбүр болды. Әр түрлі уақытта биржа қызметкерлерінің 80%-ға дейіні онлайн режимде жұмыс істегеніне қарамастан, биржалық нарықтың барлық қатысушылары үшін қызметтері мен инфрақұрылымдардың тұрақты қолжетімділігі қамтамасыз етілді. Алайда, Қазақстан қор биржасының өзіндік мәселелері мен бағалы қағаздарға сұраныс пен ұсыныс, сондай-ақ Қазақстанның қор нарығына инвестиция тарту мен капиталды қалыптастырудағы бұл құралдардың рөлі талданды. Бағалы қағаздар мен облигациялар саласындағы реттеуді одан әрі дамыту және жетілдіру бойынша ұсынымдар Қазақстан Республикасында қаржылық тұрақтылықты нығайту және қолайлы инвестициялық ортаны құру тұрғысынан талқыланды.