Аңдатпа
Мақалада қазақ халқы мәдениетінің рухани аспектілері, соның ішінде жерлеу рәсімі, қажылық, шамандық наным-сенім, ислам мен сопылық істері қарастырылған. Бұл жұмыста қазақ халқының байырғы мәдениетінің тарихында айрықша орны бар ұлы ақын, сопылық поэзияның негізін салушы, ұлы ойшыл, діни қайраткер Қожа Ахмет Яссауидің (1093, Сайрам -1166, Түркістан), соның ішінде қазақ мәдениеті үшін, бүкіл дүние жүзі үшін оның қалдырған еңбектерінің маңыздылығы жазылған. Өзінің жеке қалауымен жерасты өмір сүріп, сол жерде жазған «Диуани хикмет» жинақ өлеңдері бүгінгі күні бізге жеткен. Қорытындылай келе, «Диуани Хикметтің» қолданыстағы нұсқалары, әсіресе Түркістан қолжазбасындағы 49 хикметтің құрылымы мен мазмұны талданып, оның қорытындысы ретінде ағылшын тіліне аударылған өлеңдерінен үзінді келтіріледі.