Аңдатпа
Бұл жұмыста Жерді қашықтықтан зондтау ғарыш аппаратының деорбитацияның атмосфералық кезеңіндегі қозғалыс динамикасын модельдеу қарастырылады. Зерттеу Жер атмосферасының тығыз қабаттарындағы ғарыш аппаратының қозғалысын сипаттайтын дифференциалдық теңдеулер жүйесін сандық әдіс түрінде шешуге негізделген. Есептеулерде Халықаралық стандартты атмосфера қолда- нылады және ғарыш аппаратын 100 км биіктіктен төмендету сцена- рийіне сәйкес келетін бастапқы параметрлер берілген. Ғарыш аппа- раты жылдамдығының, биіктігінің, қозғалыс бұрышының және көлденең қашықтығының өзгерістері анықталды, бұл пассивті атмос- фералық кіру кезіндегі динамикалық мінез-құлықтың сипаттық тәуелділіктерін алуға мүмкіндік берді. Құрылған графиктер тежелу- дің негізгі ерекшеліктері мен төмендеу траекториясының қалып- тасуын көрсетеді. Алынған нәтижелер Жерді қашықтықтан зондтау ғарыш аппараттарының деорбитация параметрлерін бағалауға, мүмкін құлау аймақтарын болжауға және аналитикалық немесе оқыту құралдарын әзірлеуде пайдалануға мүмкіндік береді. Жүргізіл- ген талдау Жерді қашықтықтан зондтау спутниктерінің қызметін аяқтауды жоспарлау кезінде және ғарыш аппараттарын деорбита- циялаудың ұлттық әдістемелерін жасауға қолданылуы мүмкін.