Аңдатпа
Mazkur maqolada Alisher Navoiy lirikasida keng qo‘llangan va ramziy-majoziy qatlamlarga boy bo‘lgan “la’l” timsolining adabiy-irfoniy talqinlari tizimli ravishda tekshiriladi. Tadqiqotda “la’l” obrazining “Xazoyinul-maoniy” kulliyotidagi qo‘llanish chastotasi, shakliy ko‘rinishlari va janrlar kesimidagi ishtiroki statistik usulda aniqlanib, uning badiiy-estetik, irfoniy-tasavvufiy hamda semantik qatlamlari ochib beriladi. Shuningdek, “la’l” timsolining lab, kalom, ma’rifat, jonbaxshlik, Iso Masih, obi hayvon, pir kalomi kabi ramzlar bilan uzviy aloqasi tahlil qilinib, Navoiy poetik tafakkurida mazkur timsolning obraz darajasiga ko‘tarilishi ilmiy asosda yoritiladi. Maqolada “la’l” timsoli nafaqat badiiy bezak, balki tasavvufiy dunyoqarashni ifodalovchi muhim konseptual birlik sifatida baholanadi.