Аңдатпа
Сəйкестілік мəселесі қазіргі психологиядағы өзекті мəселелердің бірі. Соңғы жылдары бұл бағыт ерекше қарқынмен дамып келеді: жаңа теориялық модельдер ұсынылып, жаңа үлгідегі сауалнамалар құрастырылып, кеңінен қолданылуда. Зерттеулер ауқымы да айтарлықтай кеңейді, олар тек үрдістер, өлшемдер мен стильдер арасындағы өзара байланыстарды талдаумен шектелмей, сəйкестіліктің қалыптасу барысындағы даму траекторияларын, сондай-ақ оның алғышарттары мен салдарын да қамтиды. Бұл мақалада қарастыралатын модельдердің басым бөлігі соңғы бірнеше жыл ішінде жан-жақты зерттелген. Тұлғалық сəйкестіліктің жаңа модельдері сəйкестіліктің қалай қалыптасатынына (үрдіске бағдарланған модельдер, сəйкестілік стильдері), сəйкестілік мазмұнына (нарративті сəйкестілік) немесе осы екі бағытты қатар қамтуға (мысалы, үрдіске бағдарланған парадигма аясында сəйкестіліктің əртүрлі салаларын зерттеу) басымдық береді. Сонымен қатар, адамның өз əлеуетін тану арқылы өзінің сəйкестілігін анықтауға негізделген бағыт та бар, ол эвдемониялық сəйкестілік деп аталады.