Аңдатпа
Mazkur tezisda O‘zbekiston moliya bozorini ekologik, ijtimoiy va korporativ boshqaruv (ESG) tamoyillari asosida takomillashtirish imkoniyatlari tahlil qilinadi. Barqaror moliyalashtirish doirasida tematik obligatsiyalar va yashil bank amaliyotining joriy etilishi holati o‘rganilib, milliy tasnifnoma mavjud emasligi, ESG bo‘yicha moliyaviy bo‘lmagan oshkoralikning cheklanganligi, bozor likvidligining pastligi hamda davlat rag‘batlarining tizimlashtirilmaganligi asosiy institutsional muammolar sifatida aniqlanadi. ESG yondashuvini davlat moliyaviy siyosatiga integratsiyalash uzoq muddatli investitsiyalarni jalb qilish, moliya bozorida shaffoflikni oshirish va makroiqtisodiy barqarorlikni mustahkamlashning muhim omili ekanligi asoslanadi.