Аңдатпа
Мақалада екі тілді, яғни қазақ, орыс тілді студенттерге орыс тілін оқытудың ерекшеліктері қарастырылады, интерференция әсерінен туындаған қателіктер талданады. Авторлар бірқатар ғалымдардың осы жұмыстың негізгі ұғымдарына – билингвизм мен интерференцияға қатысты көзқарастарын сипаттайды, билингвизм түрлері туралы ақпарат береді. Түрлі этностар өкілдерінің тілдермен байланысы мен өзара іс-қимылы тақырыбы — көптілді және көпмәдениетті қазақстандық қоғам үшін өзекті. Қазақстанның КСРО құрамында ұзақ уақыт болуы орыс тілінің адам өмірінің барлық салаларына белсенді енуіне ықпал етті. ҚР-ның қазіргі тілдік жағдайын сипаттай отырып, орыс тілінің серіктес тіл ретінде қолданылатынын атап өту қажет. Қазақстанның қазіргі қоғамында орыс тілін қолданудың ерекшелігін анықтау үшін біз екі тілді студенттердің сөйлеуіне талдау жасадық, бұл олардың орыс әдеби тілінің нормаларын бұзушылықтарын жіктеуге және анықталған қиындықтарды ескере отырып, тапсырмалар кешенін жасауға мүмкіндік берді. Сөйлеу мәлімдемесін құру процесінде туындайтын кедергілер мен қиыс кетулерді жою үшін әртүрлі әдістер, соның ішінде коммуникативті, шығармашылық, проблемалық әдістер ұсынылады. Сөйлеу әрекетінің барлық түрлерін (тыңдау, сөйлеу, оқу, жазу) қамтитын жаттығуларды орындау нәтижесінде студенттерде лингвистикалық, әлеуметтік-мәдени, коммуникативті құзыреттілік дамиды, мәдениетаралық қарым-қатынас дағдылары жақсарады, әр түрлі салаларда дұрыс сөйлеу дағдылары қалыптасады.