Аңдатпа
Аңдатпа . Ғарыш инфрақұрылымындағы құрылымдық деформацияны дәл бақылау мақсатында FBG сенсорларын қолдану тиімді болып саналады . Ғарыштық ортада құрылымдар түрлі механикалық және температуралық жүктемелерге ұшырайды. Бұл әсерлер уақыт өте келе құрылымның бұзылуына, ақаулардың пайда болуына немесе апаттық жағдайларға алып келуі мүмкін. Сондықтан деформацияны нақты уақытта бақылау қауіпсіздік пен ұзақ мерзімділікті қамтамасыз етудің маңызды шарты. Сенсорлардың басты артықшылықтары ықшамдылығы, жеңіл салмағы, электромагниттік кедергілерге төзімділігі. Бұл қасиеттері оларды ғарыш кеңістігіндегі шектеулі ресурс жағдайында қолдануға тиімді етеді. Бұл мақалада FBG сенсорларының жұмыс істеу принциптері, оларды ғарыш құрылымдарына орнату әдістері, әртүрлі деформация түрлерін анықтау дәлдігі мен тұрақтылығы сипатталады.