Аңдатпа
Мақалада азық-түлік өнімдерінің ассортиментін және нан өнімдерінің тағамдық құндылығын кеңейтуге бағытталған кептірілген қауын ұнтағын пайдалану перспективалары қарастырылады. Бұл мақала нан өнімдерін өндіруде кептірілген қауын ұнтағын алмастырғыш ретінде пайдаланудың негіздемесін береді. Қауын ұнтағы дәрумендерге өте бай, оның құрамында витаминдер, бета-каротин, минералдар, фруктоза, органикалық қышқылдар, пектин өте көп. Зерттеу жаңалығы нан өнімдерін дәрумендермен байыту мақсатында ұлттық нан өніміне құрғақ ұнтақталған қауынды енгізу болып табылады. Зерттеу нәтижесінде құрғақ ұнтақталған қауын қосылған ұлттық нанның физика-химиялық көрсеткіштері, органолептикалық көрсеткіштері анықталды. Қауын үнтағын ұлттық нан өніміне енгізу, өндірілетін өнімдердің ассортиментін кеңейтуді, нан өнімдерінің сапалық көрсеткіштерін жақсартуды қамтамасыз етеді және олардың сақтау мерзімін арттырады. Мақалада кептірілген қауын ұнтағы қосылған ұлттық нанның рецепті ұсынылған және жергілікті ұннан функционалдық қоспасы бар нан өндіру технологиясы зерттелді.