Аңдатпа
Жазу - шет тілін оқытудағы бірегей процесс. Зерттеу жұмысы жазбаша тілді түсінуді дамыту үдерісінде веб-блогтарды қолдану мүмкіндіктерін талдауға арналған. Қазіргі білім беру кеңістігінде ақпараттық-коммуникациялық технологияларды тиімді пайдалану оқу үдерісінің сапасын арттырудың негізгі шарттарының бірі болып табылады. Осы тұрғыдан алғанда, веб-блогтар студенттердің жазбаша мәтінді түсіну дағдыларын жетілдіруде, ақпаратты сараптап, жүйелі талдауда және рефлексия жасау қабілеттерін дамытуда маңызды құрал ретінде қарастырылады. Сонымен қатар, блог жүргізу студенттердің тілдік құзыреттілігін кеңейтуге, өз ойларын ғылыми және шығармашылық тұрғыда жеткізуіне, сонымен бірге дербес және сыни ойлау дағдыларын қалыптастыруына ықпал етеді. Зерттеу барысында веб-блогтарды қолданудың педагогикалық әлеуеті, артықшылықтары мен шектеулері айқындалып, оларды оқу тәжірибесінде тиімді пайдаланудың әдістемелік негіздері қарастырылады. Ағылшын тілі сабақатарында жазу дағдыларын игере отырып, оқушылар сыни және шығармащылық перспективаны дамытады, бұл оларға жаңа және басқалараға ұқсамайтын нәрселерді үйренуге көмектеседі. Ол сонымен қатар идеяларды қалыптастыруға бағытталаған. Жүргізілген зерттеудің мақсаты студенттердің жазуды дамыту үшін веб-блогтарды пайдалануға деген көзқарасты зерттеу болды. Зерттеуде И. Алтынсарин атындағы Арқалық педагогикалық институтының, Педагогика және филология факультетінен 40 студент қатысты. Зерттеу мақсатына жету үшін зерттеудің сипаттамалық түрі қолданылды. Сауалнама 1-ші және 2ші курс студенттері арасында жүргізілді. Барлық деректерді жинағаннан кейін нәтижелерді шығару үшін Statistical Package for the Social Sciences (SPSS) 23 нұсқасы қолданылды. Нәтижелерге сәйкес сипаттамалық статистика студенттердің жазу дағдыларын дамыту үшін веб-блогтарды пайдалануға деген оң көзқарасын көрсетті. Сонфымен қатар, курстар мен жыныс арасында айтарлықтай айырмашылық болған жоқ.