Аңдатпа
Ғылымимақала бүгінгі инклюзивті білім беру жағдайында ерекше білім берді қажет ететін балалар санатын құрайтын топ –аутизм спектрі бұзылысы бар білім алушыларды оқыту мәселесін қозғаған. Бұл категорияға өкілдері дамудың күрделі аралас бұзылыстарымен, оқудың, бейімделудің және жалпы денсаулықтың төмен көрсеткіштерімен сипатталады. Сол себепті де аутистік спектрі бұзылыстары бар білім алушылардың мектептегі оқытуын ұйымдастыру арнайы білім беру нысандарының арақатынасын және олардың ерекше білім беру қажеттіліктеріне сәйкес келетін жалпы білім беру ортасына икемді енгізуді талап етеді. Ерекше білім беру қажеттіліктері бар білім алушыларға білім беру үрдісі –бұл әр түрлі жас кезеңдерінде бұл балалардың жеке басының даму ерекшеліктерін ескере отырып, педагогикалық тұрғыдан ұйымдастырылған үздіксіз әлеуметтік тәрбие қызметі. Бұнда басты роль атқаратын тұлға -педагог екенін ескерсек, болашақ педагогтарды аутистік спектрі бұзылыстары бар білім алушылармен жұмыс істеуге психологиялық дайындау мәселенің өзектілігі арта түседі.