Аңдатпа
Сөйлеу тілі балалардың әлеуметтік және психологиялық дамуының маңызды аспектісі болып табылады. Мектеп жасына дейінгі балалардың сөйлеу тілінің дұрыс дамуы олардың оқу мен қоғамда өздерін дұрыс сезінуіне, сондай-ақ когнитивті және әлеуметтік дағдыларды меңгеруіне үлкен әсер етеді. Алайда, кейбір балалардың сөйлеу тілінің жалпы дамымауы байқалып , сөйлеу қабілеттері жеткіліксіз болуы мүмкін. Бұл мәселе әсіресе сөйлеу тілі жалпы дамымаған III дең-гейдегі балаларда байқалады, оларда фразалық сөйлеудің қалыптасуы ерекше қиындықтар туғызады. Сөйлеу тілінің жалпы дамымауы, оның ішінде фразалық сөйлеудің қалыптаспауы, балалар-дың білім алу процесінде, сондай-ақ жалпы әлеуметтік қарым-қатынастарында қиындықтар тудыруы мүмкін. Осы себепті, бұл мақала мектеп жасына дейінгі сөйлеу тілі жалпы дамымаған III деңгейдегі балалардың фразалық сөйлеу тілін дамыту ерекшеліктерін зерттеуге арналған.