Аңдатпа
Нан өндірісінің дамуының қазіргі кезеңінде, еліміздің жекелеген аймақтарындағы экологиялық жағдайдың нашарлауына, ауыл шаруашылығында агротехникалық шаралардың қысқаруына байланысты шикізаттың микробиологиялық ластануының жоғарылауы жағдайында, өнім сапасы мәселелерін шешуге және оның микробиологиялық қауіпсіздігін арттыруға бағытталған технологияларды жетілдіру өзекті болып табылады. Жұмыста нан өнімдерінің микробиологиялық тазалығын тұрақтандыру және картоп ауруының алдын алу, ұн тарту алдында дәннің бетін тазалау процесін жетілдіру арқылы мүмкін болатыны ғылыми негізделіп, дәлелденген. Динамикалық жүктеу жағдайында астық бетін қарқынды өңдеу, қондырғының негізгі жұмыс органының кинематикалық параметрлеріне байланысты екендігі және бұл кезде технологиялық талаптарды қанағаттандыратын максималды әсерге қол жеткізілетіндігі анықталды.